ಬೇವಿನ ರಸದ ಆರೋಗ್ಯ ಪ್ರಯೋಜನಗಳು

ಔಷಧಿಗಳ ರಾಜ ಎಂದರೆ ಅದು ಬೇವು. ಬೇವಿನ ಮಹತ್ವ ತಿಳಿಯದವರೇ ಇಲ್ಲ. ಕಹಿಯ ರುಚಿ ಹೊಂದಿರುವ ಬೇವಿನ ಗುಣ ಲಕ್ಷಣಗಳು ಮನುಷ್ಯನ ಆರೋಗ್ಯಕ್ಕೆ ಸದಾ ಒಳ್ಳೆಯದನ್ನೇ ಮಾಡುತ್ತವೆ.
ಪುರಾತನ ಕಾಲದಿಂದಲೂ ಭಾರತೀಯ ಸಂಸ್ಕøತಿಯಲ್ಲಿ ಬೇವಿನ ಗಿಡಕ್ಕೆ ಬಹಳ ವಿಶೇಷ ಸ್ಥಾನ ಒದಗಿಸಲಾಗಿದೆ. ಅದರಲ್ಲಿರುವ ಉತ್ತಮ ಔಷಧೀಯ ಗುಣಗಳಿಂದ ಎಲ್ಲರಲ್ಲೂ ಪೂಜನೀಯ ಭಾವನೆ ಉಂಟಾಗುತ್ತದೆ. ಅದಕ್ಕೆ ಕಾರಣ ಬೇವಿನ ಪ್ರತಿಯೊಂದು ಭಾಗವೂ ಸಹ ಮನುಷ್ಯನಿಗೆ ಉಪಯೋಗಕ್ಕೆ ಬರುತ್ತದೆ.

ಬೇವಿನ ಎಲೆಗಳು, ಬೇವಿನ ಚಕ್ಕೆ, ಬೇವಿನ ಮರದ ಬೇರು, ಬೇವಿನ ಕಡ್ಡಿ ಹೀಗೆ ಹೇಳುತ್ತಾ ಹೋದರೆ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ. ಮನುಷ್ಯನ ದೇಹದ ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಬೇವು ರಾಮಬಾಣವಾಗಿದೆ.

 

ಚರ್ಮ ರೋಗಗಳು ಕೂದಲಿನ ಸಮಸ್ಯೆಗಳು ಮತ್ತು ದೇಹದ ಆಂತರಿಕ ಆರೋಗ್ಯ ಸಮಸ್ಯೆಗಳು ಬೇವಿನಿಂದ ಗುಣ ಕಾಣುತ್ತವೆ. ಸವಾರ್ಂಗಕ್ಕೂ ಮನೆ ಮದ್ದು ಎಂದರೆ ಅದು ಬೇವು. ಬೇವಿನ ಅಂಶದಲ್ಲಿ ಇರುವ ಅನೇಕ ಆರೋಗ್ಯ ಪ್ರಯೋಜನಗಳು ಮನುಷ್ಯನ ದೇಹದ ಒಳಗಿನ ಅಂಗಗಳಿಗೆ ಮತ್ತು ಅವುಗಳಿಗೆ ಇದ್ದಕ್ಕಿದಂತೆ ಎದುರಾಗುವ ಆರೋಗ್ಯ ತೊಂದರೆಗಳಿಗೆ ಬಹಳಷ್ಟು ಸಹಕಾರಿ. ಕಣ್ಣಿನ ಸಮಸ್ಯೆಗಳು, ಚಿಕ್ಕ ಮಕ್ಕಳಲ್ಲಿ ಎದುರಾಗುವ ಮೂಗಿನಲ್ಲಿ ರಕ್ತ ಸ್ರಾವದ ತೊಂದರೆ, ಲೆಪ್ರಸಿ, ಚರ್ಮದ ಅಲ್ಸರ್, ಹೃದಯದ ಮತ್ತು ಹೃದಯ ರಕ್ತನಾಳದ ತೊಂದರೆಗಳು, ಜ್ವರ, ಮಧುಮೇಹ, ಹಲ್ಲು ಮತ್ತು ವಸಡಿನ ತೊಂದರೆ, ಲಿವರ್ ಸಮಸ್ಯೆ ಮತ್ತು ಹೊಟ್ಟೆಗೆ ಸಂಬಂಧ ಪಟ್ಟ ಸಮಸ್ಯೆ ಹೀಗೆ ಬಹಳಷ್ಟು ಮತ್ತು ಬಹುತೇಕ ಮನುಷ್ಯನ ಎಲ್ಲಾ ಬಗೆಯ ಆರೋಗ್ಯ ಸಮಸ್ಯೆಗಳಿಗೂ ಬೇವು ಉಪಯೋಗಕ್ಕೆ ಬರುತ್ತದೆ. ಬೇವಿನಲ್ಲಿನ ಈ ವಿಶಿಷ್ಟ ಗುಣ ಲಕ್ಷಣಗಳಿಂದ ಬಹಳ ಹಿಂದಿನ ಕಾಲದಿಂದಲೂ ನಮ್ಮ ಭಾರತ ದೇಶದ ಆಯುರ್ವೇದ ಪದ್ದತಿಯಿಂದ ಹಿಡಿದು ಬೇರೆ ದೇಶಗಳ ಪಂಡಿತೋತ್ತಮರು ಬೇವಿನ ಉಪಯೋಗ ಮಾಡುತ್ತಾ ಬಂದಿದ್ದಾರೆ. ಕಹಿಯಾದ ಬೇವಿನ ಸದ್ಗುಣಗಳ ಬಗ್ಗೆ ಇಂನ್ನಷ್ಟು ನೀವು ತಿಳಿಯಬೇಕಾದರೆ ಈ ಲೇಖನವನ್ನು ಪೂರ್ತಿ ಓದಬೇಕು

 

ರಕ್ತ ಶುದ್ಧೀಕರಣದಲ್ಲಿಸಹಾಯಕ
ಬೇವಿನ ಜ್ಯೂಸ್ ರಕ್ತ ಶುದ್ಧೀಕರಣದಲ್ಲಿ ಸಹಾಯಕ

ಹೌದು. ಬೇವಿನ ಎಲೆಗಳಿಂದ ಪಡೆದ ಬೇವಿನ ರಸ ಮನುಷ್ಯನ ದೇಹದ ರಕ್ತವನ್ನು ಶುದ್ಧಗೊಳಿಸಿ ಒಂದು ಔಷಧಿಯ ರೂಪದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅಂಶವೆಂದು ಪರಿಗಣಿಸಿದ ‘ ಎಲ್ ಡಿ ಎಲ್ ‘ ಅಥವಾ ‘ ಲೋ ಡೆನ್ಸಿಟಿ ಲಿಪೆÇಪೆÇ್ರೀಟೀನ್ ‘ ಅನ್ನು ಗಣನೀಯ ಪ್ರಮಾಣದಲ್ಲಿ ತಗ್ಗಿಸುತ್ತದೆ. ಇದರಿಂದ ಹೃದಯದ ತೊಂದರೆಗಳು ದೂರಾಗುತ್ತವೆ. ರಕ್ತ ಶುದ್ಧಿ ಆಗುವುದರಿಂದ ದೇಹದಲ್ಲಿ ರಕ್ತ ಸಂಚಾರ ಕೂಡ ಉತ್ತಮಗೊಂಡು ದೇಹದ ಇನ್ನಿತರ ಭಾಗಗಳಿಗೂ ಸರಾಗವಾಗಿ ರಕ್ತ ಹರಿಯುತ್ತದೆ. ರಕ್ತದ ಒತ್ತಡ ಸಹ ನಿಯಂತ್ರಣಕ್ಕೆ ಬರುತ್ತದೆ.

 

ಮಲೇರಿಯಾ ಮತ್ತು ಜಾಂಡೀಸ್ ಗೆ ರಾಮಬಾಣ
ಬೇವಿನ ಎಲೆಗಳಿಂದ ಹೊರ ತೆಗೆದ ಬೇವಿನ ರಸ ಮಲೇರಿಯಾ ಜ್ವರ ಮತ್ತು ಜಾಂಡಿಸ್ ಸಮಸ್ಯೆಯಿಂದ ಬಳಲುತ್ತಿರುವ ಎμÉ್ಟೂೀ ಜನರಿಗೆ ಬಹಳ ಉಪಯುಕ್ತವಾದ ರೀತಿಯಲ್ಲಿ ಕೆಲಸ ಮಾಡಿದೆ. ಇದರಲ್ಲಿರುವ ಆಂಟಿ – ಬ್ಯಾಕ್ಟರಿಯಲ್ ಗುಣ ಲಕ್ಷಣಗಳು ಮಲೇರಿಯಾ ಜ್ವರಕ್ಕೆ ಕಾರಣವಾದ ವೈರಸ್ ನ ಬೆಳವಣಿಗೆಯನ್ನು ಕುಂಠಿತಗೊಳಿಸಿ ಮನುಷ್ಯನ ದೇಹದ ಲಿವರ್ ಅಂಗಾಂಗವನ್ನು ಬಲವಾಗಿಸುತ್ತದೆ. ಇದೇ ರೀತಿ ಜಾಂಡಿಸ್ ಹೊಂದಿರುವ ರೋಗಿಗಳು ಬೇವಿನ ಎಲೆಗಳ ರಸದೊಂದಿಗೆ ಹಸಿ ಜೇನು ತುಪ್ಪವನ್ನು ಮಿಶ್ರಣ ಮಾಡಿ ಸೇವಿಸಿದರೆ ಬಹಳ ಬೇಗನೆ ಪ್ರತಿಫಲ ಕಾಣಬಹುದು.

 

ಬೇವಿನ ಕಹಿ ಕಣ್ಣುಗಳಿಗೆ ಸಿಹಿ
ಇತ್ತೀಚಿನ ಕಾಲಮಾನದಲ್ಲಿ ಯುವಜನತೆಯಲ್ಲಿ ಹೆಚ್ಚಾದ ಮೊಬೈಲ್ ಬಳಕೆ ಮತ್ತು ಕಂಪ್ಯೂಟರ್ ಬಳಕೆಯಿಂದ ಅತಿ ಹೆಚ್ಚಾಗಿ ಹೊರ ಸೂಸುವ ನೀಲಿ ಬೆಳಕಿನ ಪ್ರಮಾಣದಿಂದ ಬಹಳ ಬೇಗನೆ ಕಣ್ಣುಗಳು ಹಾಳಾಗಿ ದೃಷ್ಠಿಯ ಸಮಸ್ಯೆ ಎದುರಿಸುತ್ತಾರೆ. ಯಾರಲ್ಲೂ ರಾತ್ರಿ ಮಲಗಿದ ಸಮಯದಲ್ಲಿ ಮೊಬೈಲ್ ಬಳಕೆ ಮಾಡುವವರಿಗೆ ಈ ಸಮಸ್ಯೆ ಬಹಳ ಹೆಚ್ಚು. ಕಾಂಜುಂಕ್ಟಿವಿಟಿಸ್ ಸಮಸ್ಯೆಯಿಂದ ಬಳಲುತ್ತಿರುವ ಯಾರೇ ಆದರೂ ಬೇವಿನ ನೀರಿನ ಉಪಯೋಗದಿಂದ ಗುಣ ಕಾಣಬಹುದು.

 

ಸಕ್ಕರೆ ಕಾಯಿಲೆಯಿಂದ ಮಹತ್ವದ ರಕ್ಷಣೆ
ಇತ್ತೀಚಿಗಂತೂ ಮೂರರಲ್ಲಿ ಒಬ್ಬರಿಗೆ ಬಿಟ್ಟೂ ಬಿಡದಂತೆ 40 ವರ್ಷ ವಯಸ್ಸಾದ ನಂತರ ಕಾಡುವ ಆರೋಗ್ಯ ಸಮಸ್ಯೆ ಎಂದರೆ ಅದು ಮಧುಮೇಹ ಅಥವಾ ಸಕ್ಕರೆ ಕಾಯಿಲೆ ಅಥವಾ ಡಯಾಬಿಟಿಸ್. ಮನುಷ್ಯನ ಜೀವನ ಶೈಲಿಯ ವಿಚಿತ್ರ ಬದಲಾವಣೆಯಿಂದ ಇಂತಹ ಸಮಸ್ಯೆಗಳು ದಿನೇ ದಿನೇ ಹೆಚ್ಚಾಗುತ್ತಿವೆ. ದೇಹದಲ್ಲಿ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ಹೆಚ್ಚು ಮಾಡಿ ಮಧುಮೇಹಕ್ಕೆ ಕಾರಣವಾಗುತ್ತಿದೆ. ಸಾಮಾನ್ಯ ಜನರು ಪ್ರತಿ ದಿನ ಬೇವಿನ ಜ್ಯೂಸ್ ಕುಡಿಯುವ ಅಭ್ಯಾಸ ಮಾಡಿಕೊಂಡರೆ ದೇಹದಲ್ಲಿನ ಸಕ್ಕರೆ ಪ್ರಮಾಣ ಸೀಮಿತ ಸ್ಥಿತಿ ಕಾಯ್ದುಕೊಂಡು ಮುಂಬರುವ ದಿನಗಳಲ್ಲಿ ಡಯಾಬಿಟಿಸ್ ನಂತಹ ಆರೋಗ್ಯ ಸಮಸ್ಯೆಗಳಿಂದ ದೂರ ಉಳಿಯಬಹುದು. ಇನ್ನು ಡಯಾಬಿಟಿಸ್ ನಿಂದ ಈಗಾಗಲೇ ಬಳಲುತ್ತಿರುವವರು ಪ್ರತಿ ದಿನ ಬೇವಿನ ಜ್ಯೂಸ್ ಕುಡಿಯುವುದರಿಂದ ರಕ್ತದಲ್ಲಿ ಸಕ್ಕರೆ ಅಂಶವನ್ನು ಸಾಮಾನ್ಯ ಸ್ಥಿತಿಗೆ ತಂದು ಮಧುಮೇಹವನ್ನು ನಿಯಂತ್ರಣದಲ್ಲಿಡಬಹುದು.

 

ಹಲ್ಲು ಮತ್ತು ವಸಡುಗಳ ಆರೋಗ್ಯ

ಹಲ್ಲುಗಳು ಮತ್ತು ವಸಡುಗಳು ವಸಡುಗಳ ರಕ್ತ ಸೋರಿಕೆ ಸಮಸ್ಯೆಯಿಂದ ಬಳಲುತ್ತಿರುವವರು ಈ ಒಂದು ಟಿಪ್ಸ್ ಅನುಸರಿಸಬಹುದು. ಏನಂದರೆ ಬೇವಿನ ಚಕ್ಕೆ ಅಥವಾ ಬೇವಿನ ಎಲೆಗಳನ್ನು ನೀರಿನಲ್ಲಿ ನೆನೆ ಹಾಕಿ, ಸ್ವಲ್ಪ ಹೊತ್ತಿನ ನಂತರ ಅದನ್ನು ಚೆನ್ನಾಗಿ ರುಬ್ಬಿಕೊಂಡು ವಸಡುಗಳಿಗೆ ಲೇಪನ ಮಾಡಿದರೆ ಹಲ್ಲುಗಳ ಸಂದುಗಳಿಂದ ಮತ್ತು ವಸಡುಗಳಿಂದ ರಕ್ತ ಸೋರಿಕೆ ಆಗುವುದು ನಿಲ್ಲುತ್ತದೆ. ಇನ್ನು ಹಲ್ಲುಗಳಿಗೆ ಸಂಬಂಧಿಸಿದ ಕಾಯಿಲೆಗಳಿಂದ ಬಳಲುತ್ತಿರುವವರು ಬೇವಿನ ಮರದ ಹೂವುಗಳ ಡಿಕಾಕ್ಷನ್ ಮಾಡಿ ಕುಡಿಯುವುದರಿಂದ ತಮ್ಮ ಸಮಸ್ಯೆಗಳಿಂದ ಪಾರಾಗಬಹುದು. ಹಲ್ಲುಗಳಲ್ಲಿರುವ ಕೀಟಾಣುಗಳನ್ನು ನಾಶ ಪಡಿಸಲು ಪ್ರತಿ ದಿನ ಬೇವಿನ ಕಡ್ಡಿಗಳಿಂದ ಹಲ್ಲುಜ್ಜುವ ಅಭ್ಯಾಸ ಮಾಡಿಕೊಳ್ಳಬೇಕು. ಒಟ್ಟಾಗಿ ಹೇಳುವುದಾದರೆ, ಬೇವಿನ ಪ್ರತಿಯೊಂದು ವಸ್ತುವೂ ಕೂಡ ಹಲ್ಲುಗಳಿಗೆ ಮತ್ತು ವಸಡುಗಳಿಗೆ ಬಹಳಷ್ಟು ಸಹಕಾರಿಯಾಗಿದೆ.

 

ಗರ್ಭಾವಸ್ಥೆಯ ನೋವು ನಿವಾರಕ
ಗರ್ಭಿಣಿಯರಿಗೆ ತಮ್ಮ ಗರ್ಭಾವಸ್ಥೆಯ ದಿನಗಳಲ್ಲಿ ಕಾಡುವ ವಿಪರೀತ ನೋವನ್ನು ಬೇವಿನಿಂದ ನಿಯಂತ್ರಣ ಮಾಡಿಕೊಳ್ಳಬಹುದು. ಹೆರಿಗೆಯ ಸಮಯದಲ್ಲಿ ಬೇವಿನ ಜ್ಯೂಸ್ ನಿಂದ ನಯವಾಗಿ ಮಸಾಜ್ ಮಾಡುವುದರಿಂದ ಹೆರಿಗೆಯ ನೋವು ಕಡಿಮೆಯಾಗುತ್ತದೆ. ಹೆರಿಗೆಯ ನಂತರದ ದಿನಗಳಲ್ಲಿ ಬಾಣಂತಿಯರಿಗೆ ಬೇವಿನ ನೀರನ್ನು ಕೊಡುವುದರಿಂದ ಸೋಂಕು ಉಂಟಾಗುವುದು ತಪ್ಪುತ್ತದೆ.

 

ಮುಖದ ಮೊಡವೆಗಳ ಸಮಸ್ಯೆ
ಬೇವಿನ ನೀರು ಮುಖದ ಮೇಲಿನ ಮೊಡವೆಗಳನ್ನು ನಿವಾರಣೆ ಮಾಡುವಲ್ಲಿ ಬಹಳಷ್ಟು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಬಹಳ ದಿನಗಳಿಂದ ಮೊಡವೆಗಳ ಸಮಸ್ಯೆಯಿಂದ ಬಳಲುತ್ತಿರುವವರು ಬೇವಿನ ಎಲೆಗಳ ರಸವನ್ನು ಮುಖದ ಮೇಲೆ ಮೊಡವೆಗಳಿರುವ ಜಾಗಕ್ಕೆ ಹಚ್ಚಿ ಮೊಡವೆಗಳಿಂದ ಗುಣ ಕಾಣಬಹುದು. ಬೇವಿನ ನೀರಿನಿಂದ ಮುಖವನ್ನು ಮಸಾಜ್ ಮಾಡಿದರೆ, ಮುಖದಲ್ಲಿರುವ ತೇವಾಂಶ ಹಾಗೆ ಉಳಿದು ಚರ್ಮದ ಮೃದುತ್ವ ಮತ್ತು ಕಾಂತಿ ಹೆಚ್ಚಾಗುತ್ತದೆ.

 

ಪುಟ್ಟ ಮಕ್ಕಳ ಅಮ್ಮ ಬಂದರೆ ನಿಮಗೆ ನೆನಪಿರಬಹುದು. ನಾವು ಚಿಕ್ಕವರಾಗಿದ್ದಾಗ, ನಮಗೆ ದೇಹದ ಮೇಲೆಲ್ಲಾ ಅಲ್ಲಲ್ಲಿ ಸಣ್ಣ ಸಣ್ಣ ಗುಳ್ಳೆಗಳು ಉಂಟಾಗುತ್ತಿದ್ದವು. ಅವುಗಳನ್ನು ನೋಡಿ ದೊಡ್ಡವರು ಮಗುವಿಗೆ ಅಮ್ಮ ಆಗಿದೆ ಬೇವಿನ ಲೇಪನ ಮಾಡಿ ಎಂದು ಹೇಳುತ್ತಿದ್ದರು. ಆಗ ಬೇವಿನ ಎಲೆಗಳನ್ನು ಚೆನ್ನಾಗಿ ಅರೆದು ಬೇವಿನ ಪೇಸ್ಟ್ ತಯಾರು ಮಾಡಿಕೊಂಡು ನಮ್ಮ ಇಡೀ ದೇಹಕ್ಕೆ ಹಚ್ಚುತ್ತಿದ್ದರು. ಬಂದ ಸಮಸ್ಯೆ ಮಿಂಚಿನಂತೆ ಮಾಯವಾಗುತ್ತಿತ್ತು. ಇದೆ ಅಲ್ಲವೇ ಬೇವಿನ ಚಮತ್ಕಾರ ಎಂದರೆ!

 

ganesh gadag
ಡಾ.ಗಣೇಶ ಸುಲ್ತಾನಪುರ
ಶ್ರೀ ಗಂಗಾ ಕ್ಲಿನಿಕ್ ಗದಗ

Leave A Reply

Your email address will not be published.